Ana Bii Di Mavor: Seme Dazaa Va Sheyi Tueba Zuse

Ebira

Caleb Ajinomoh

Inume ana bi di ve, aza va na shahu atuvo zuse anka usupa anaavi me si me. Aza va na zwechi hu usu ina re, ator liopardi, ati uyi oranta inenyi. Ahu atuvo vana shenwu gewun: ovoche dene vene enwu: iza ator ote: iremuvo ator orupahu; ipetahu ator ininuvor; ipetipeti ahu atuvor, abenini shor ahwe ehii ator igege ehii, davanyi aparigege iniresuo onyahu ati aparigege konya. Uvor atahu vana turuje ankor igegeahu ati igegeguvor huna igegahu obanyi atuvo obanyi poro na wyunu eneweyi poro ator eneweyi petepete. Inumono, igeguvor obanyi vanana yatupi igeganavor, ankor igegeahu obanyi mesiya. Ahu atuvo vana henywu onyara.

Deva shewun gewun na ba ha ni; inohu, ahohu, oihirochi atoichivee ator ataba obanyi, atabaha anavorokanoo. Atinenyi be, eneiva vana mukoro vabe oyi shenwu kete, vara inenyi abi dozo turawhenyi. Hunavo desuvopenwun in a bi sa e ne dudume. Deva merebarewnun in a bisa, hunireyirenu, ozowusa hunutor, ozodagusa hunahi, ator oyisheyi rete.

Ememe si shewyeni ovameka enanavo onyo oihuva. Inee ni evee hinee ankor oyi shewyu kanti kanti varo onyara osa. Oihuva enevanyi dova kweyeni oku tini ahu atuvo ana suwa nabaha. Dekuku va nyima oyi suvo chiri sodivi inipor eneivononi.

Irare doni va dobo rere hunovo iresu doo nyima oyi sho mukoro isounsoun. Dovenyima oyi hiooirenu ni, inipor ukatuvor atahu. Ene va na nyu kata hu, doroo ni. Onyara evee neni, enee bidi nyi zo gewa inipor isenanavo nyi ator isenanavo nyewu me, dekukuva doorere hunuvor irenuni dekuku nyima oyi kaaka ene Pataki inochenwuy huni. Isoun soun ni dovaro ka ene vana hu norsa; uvor vana siza tweba inipor igegani, umonya onoresirenu na nyiyi inipor igegahu eneweyi. Dasaa mehunoni, igegahu oniyemba donirekanini inipor igegeuvor!

Oni makani e me poroo umenyi ezee kenor mukoro anavoro ke meee etere. Ejani, door kuku vareyior ukatani; abeni deveyi ko ochenywu anavoni aguvor oyi tuohi tureyi.
Irare obidi shor oyiveikenwyu noni veeni. Ireyi ene ro etere, abeeni edo tinoo osoni. Ama isovanavi? Azenyi vana shiro vo inipor egidi etesu – ahu ator uvor ebegidiuvor. Enanavor vana shiroo ahe uhwo obanyi, echii, ator ipete ator whoooti ama abeseni ve ne ve neta aguvika eva yatuetere inor onchewunyvor. Irare oreva tueheni, omera diroeye rere hunuvo iresu, dor vero isoboro. Each set of organs would come up with a challenge, in turns. Devaakaka abo ochenwyu esho ahe eniini ve ni, ikon konya. Uvo atahu deeni dosoni wyehini.

Ahe obanyi ononi Daika ininor avi, ipor okuhobanyi anamenii. Dabor ochenwyu kuku heyi titee anya nyizeduoza tabi ananyi se tuehe kene kene, wayeka abochenywu vana sheipor egidi obanyi anavee. Eyi vana tutuoze anayior isa na tuehe kene kene huraha enyi; uto doni re je ko nanoni aguvi ananyior isa oyiwu huraha enyi; ahi doni ne re je ko na no ni ananyior isa ana tutuehe kene kene anahi ator utor eva za; irare oninyemba doni re je ko na no ni ananyi ko zo nowu tueba iso na tuehe ke ne kene.

Daika ahi obanyi ovasho ireyi egedi obanyi ononi nab a ha ti navi, inenyi ator ahi. Usupa ananyahu eena enebidi veni, anabanyi hu inenii deshor upavi aguvi kor oihunene aiyi esiveni. Eteyi obororo ovine inipor liopardi, chitah, udu, ususpenyi obanyi, enenyinyi avo, odorba, orokorgodo, ahuvaobanyi, ideba, ideba obanyi, antilopi, eiyonyene, usunare ator usunehi. Ana su inenyi, usupenyi obanyi, ivovo, usupenyi obanyi osa, deva turuabo ochewyun eni tuovidihuneneyi ni, deshanavor tee ininenyi ni. Onyahu eva, Ostirichi, uyi navi, ator obobozoza de shor ochirema eninii tueba iniraje; ochinomi denire miraje hunuvor iresuochii; ochipiri ni ni denier jahe abume ni. isipyda, Otueretenyi, Otureteahuhimba, Otureteahuhinonyi denikuku turaete iresu etesu atorchinii. Anavaraporo avor doni zuseni, dor zuse che che ni, dor mee che che ni ankor oturete iresu obanyi mesi zuechi zizi, everahonya yatu. Onchere, Onchere inavi, Onchere obanyi denikuku eji hunor upavochii ni. Atorchi bee atavi, denikuku mesukesuke, dekaresuhini, dekuku zewyunjeni kon konya.

Direnu oni ku shahe nyimor egidiobanyi ononini:
Osoni vo ni ya me di ya siviraje
Osoni vo ni ya me di ya siviraje
Osoni vo ni ya me di ya siviraje
Aguvika abayi
Vana hunewyunonya ve

Ahu atuvor vana shahu kete kenedor; enyi ahe, asenyi ukoro titee, ati doza kuku zuse godor.

Dahu bidi shegidi titee ni: de nor ipako tineteesu ni. Ahu, uvoha atuvori, ateneiva, deshorr ipako noni hunetesu deneta. Ahueiva ononi dekareyi nyewyuni, umonya ini egidi anyatitee aani, desigege tueba, ikon konya ator abeeni, daguvor useni oge uponya. Dere nyima oyi vazi; tuoivor; deshabor eyegeyi tuoni ama eneveroze shor tueba etere: umesitu ka shor zuse, enevereme vo oya shahu nya novidi. Emeverosoni, igeguvor deva do ireyi rere hunuvor irenu ni denyinyi, denyinyi ni. Uvor, oshegidivee, deshwun tuehe ni, ankor onyenozoza ni avor, deshuweyni zuu ni, dekuku va dudu shor ipako nonini. De ve ne wyu ni navini, enanavo denikuku nyima oyi nowuu iraje ni. Deva shoga je ni: de ve nyima de shor ezi eweyi weyi hunor ibolu iresi; deshor ipini ator obo tuwenwu; deshor anasi shenya obanyi aguvor ipako obanyi; deva mor uhuor obanyi, use oboro onor igegahu nyewunre inare kene. Ahu deniyatu kene deheyi titee enyara eni me dukorivopa. Uvor eneneretee ani denyima oyi kuruvor beror irajeni, osoni dova shayi odu vozaahuni. Ama eneva do oor: eme yatu eyi chipiri chipiriigegahu obanyi enyi ma mahe inezi, eme sheyipor ememevesi winor egidi obanyi ononi.

Ejani, do tu mo ahu ati igegahu kene re menini. Eeni, dekaani, enyi ireyi ogodor. Uvor oshabor ochenwyu anavor hurahuonya na whahosa. Iroye onoze hunesenor, duvor kosinini. Eto boro oso ni vi ni. Abor ochenwyu dor va ror enesa. Uvor dor kanyor etesu ni; eyi do ni guri etesu ni, de gure etesu poro ni; edudu doni whahi ni, dahi medudu; ahu ati igegahu deni mahahi ni: nyayo juu, eneneretee nowuni, deva jahahe ni.

Ya shahu tueba
Enyi isiya si ro reyi
We re shahu tueba
Viya suso ze ahu
Vi ya hira ina hi

Ama deni ve sheyipor uvor ni. Enwyu ochenwyu anaika umana bidive vana shahu iroye oboro titee, enekuku suze ahuonya. E suze che, du vor nyimo re re , duvor zizi, zizi etere, dor ochenwyu anavor vahaa. Deva je che de nyima umosa ni. Umani dekuku turi igege tuehe aguvor enyenwu zetesu titee daika igeguvor obanyi kene overoze retereni. De va jozorsa me ni ama oso ni vana ve neta aguvika de va meeta vana susahu ti nenya. Daika igege onyimuni boraninini. Deva do owu rere hunuvor irenu ni atunyior igege. Eme wor osoni, uvor vedwayi ni daikuwa oboro ni demeke ne shor ochenwyu ni. Eneverahuonya si tuovidi. Uvor atahu deni kuku shewyun titee ni. Ahu deni va nyima oyi sukata zuni: de sheyi zeteni, dezusecheni, dezuechini, dejirigani, irigebeba, umonya ochenwyu evetuetesu. Eneneretani deva tuahu tinetesu ni inirajeni. Uvor vana va je kene nyiraje inipor ebirononi, deve hiayior iseninyemba bi di mee inahiornoni.

Ama abeeni, ator eneneretani, de ve ro uvor ni: igeguvor obanyi umonor ana bidi tuttuehe uvor mashor ochenwyu, de je hu nu vor igeganavor ni. Enanavor me ke ne nyima unyi de ri sosaa ni; ankor igeguvor obanyi ononi meva mekuvor asoroze mukorani, dosuveni kata Pataki ni. So so ni vi? Aiyi onovavaaro ukatobo raani no!

Deve nyima oyi kureka hiewyuni inipor ene wini osoni vene me na whekuhiehi, ankor igegahu ator igeguvor. Ama enye me me me poroo kene shior ozone winee; ahueivo ononi vana je ken a no inabisa e ne dudume; de va shewyun mewyuni. Deva nyima oyi roreyi ipataki ni: seva na vochewyun ononi, de hu se ni abeenini, deva re roni ka ochewyun ononi oshaabeenini ge ni; ewhewyuni oboro boro nor. Ochewyun konya vana vorokor mukoro aguvor ochewyun osa onyewun mukoro ani etere.

Ama de va shior egidi enwyu osoni kwoze inuma na kuku vanave, daabeeni roka, hunumononi ochewyun osuze tueba, ahu je te re uvor tueba inahi ankor umemevi ajini. Oochewyun do ni jiraje poro inipor ireyor noni ni ama deva kaaka ozioweyi nini va turetesu ipapa ene nyima use aguvi den eve hiayior ize hureve. De gukoro yewyuni: ahu va shochewyun zuse ama etuahaneyanor uvor va maa bukoro anavorokamee. Ahu atuvor mee sheyipukoro oyichema ononi, uvor vana nyima oyi lor iroyiukoro enii oyi simukoror etesu, aguvi dor isorii oturenuri. Irenu, abi, anyi, va shanyi tura, dor kuku va shior no ininirekaa. Irekaa doni va sukata turaa dor va hi nor ahuozanii dor ochewyun anavor kuku gaa yewun. Di ireka kuku shior omee anara lo ani nini ahihiere, huzor dada tinetesu inenezii do si nyukata. Avi dor ni kuku va vomuha; uvor dor ni kuku va chihunani direnu orerii. Mikayee, ehn, anehe me kuku ya ni o.

Ator ahoobanyi atahoweyi va na kuku gaa: ahoiji, unyioyinyi ator ireyi oyikaa vanakuku navoyi irenu oyime; echoizwe ator iboru vana na vor yahu; iboruvor ator iboru ochuvor vana na vor yor uvor, inabosoni o ahu aiyi si zuechinio. Inechi obanyi oizwe, ahu vana vogewyani, umonya. Ukoro anava ga ye wyunani do va mekor ochewyun azaa oyunkata oboro oboro ni ankor meshini, ana va nyuakata huor isupa ana banyi hu ina beeni.
Ama dor ochewyun kuku ve reekor iplani eneni sititee ani oyi nyewun shior egidi titee ni. Iresu oni meyebeba veero kor ono dahi hu ahu enetuetesu tabi oni vorgor abor ochewyun, abeeni fa. De kaa ni o ka inipor ukata, iresu atabana yiruvani, vana vorpaa. Ino so ni, ochewyun anavor deni vamekaa iraje ator oiziochewyun vanabor ochewyun va dor tizor. De va kaani ka irenu onakareyi, abor ochewyun orakareyi avor ni.

De ja he ni:
Inochewyun ayi ononi
Enyi ozida
Inochewyun ayi ononi
Enyi ozida
Abai vozida enwun
Abai ya abai
Abai vozida enwun
Abai ya abai

Abai vozida enwun
Iraarayi orwyuayini
Suvorgemiidii ma suvogewu
Diyee dudu menwyuoniah
Suvorgemiidii ma suvogewu
Diyee dudu menwyuoniah
Oizoza va na vaabe

Idudu mukoro nor
Aguvor enwyuoniah
Idudu mukoro nor
Aguvor enwyuoniah
Inoyi vaabe ukatayi yanor

Aho noni do ni varahor ochenywun ni. Na whajani bee ochewyun vanayi jahor noni osoni bee eza si yor azaa ator isupa ni, ateeni eneziziiresu inumornor.
Ina bosoni eneraani, isupa ahuenaa ene suvo tinaabeseni o. Aho nor vene si munyi bee. Irenu vana meka sirisa evahe akaa si jii.

De nyimor ipaati aniiremani deva suvorgor ebirononini.

Aza me kuku va dorere hunor ebiror ochewyun ononi, deva metereni; ama en eve ror ochewyun ator iresu ankor ipaati inirazi obanyi, iknoya mee si yatu tiresuosa, dekuku va kaana por enyaror usupinaviini ana bidi zizi resu yor ana bidii mavor.

Ajinomoh Caleb is a freelance journalist, playwright and novelist. He was a finalist for the Book Doctors’ 2016 Pitchapalooza for his debut work of fiction. He is the editor-at-large for The Mustard Magazine, Africa’s leading hip hop conscious quarterly info-letter. He may have published a non-fic in a moment’s madness, Job Seekers Do Stupid Things. Currently kidding himself about three novels and a collection of short stories, he pours his awake seconds into the scribbling. Contributing for the Education Review desk of Nigeria’s foremost tabloid, The Sun Newspaper, he lives in Lagos Nigeria.